Betjenter foran fengselsmur

Jobb i kriminalomsorga

Kriminalomsorga har rundt 5000 tilsette spreidde over heile Noreg. Dei tilsette i kriminalomsorga går dagleg i spenningsfeltet mellom omsorg og kontroll, grensesetjing og støtte. Dette stiller store krav til kompetansen og haldningane hos dei tilsette.

Sjå oversikt over ledige stillingar

Korleis bli fengselsbetent?

Det er Kriminalomsorgens høgskole og utdanningssenter KRUS i Lillestrøm som utdannar fengselsbetentar i Noreg.

På nettsidene til KRUS finn du blant anna informasjon om utdanninga og opptakskrava.

Har du spørsmål om studium og opptak, kan du sende ein e-post til KRUS på opptak@krus.no.

Utdanninga er lønt og medfører pliktteneste etter fullført utdanning.

Korleis bli verksbetent?

Verksbetentane i kriminalomsorga arbeider med vedlikehald, drift av fengselet, opplæring og sysselsetjing av innsette. For å bli verksbetent må du ha relevant erfaring innanfor nokre av desse fagområda.

I tillegg må du ha eit grunnkurs på omkring 10 månader i fengselsfaglege kunnskapar, ferdigheiter og haldningar som er nødvendige for å utføre ein forsvarleg jobb i eit fengsel.

Kriminalomsorgens høgskole og utdanningssenter KRUS held slike kurs.

Andre yrkesgrupper i kriminalomsorga

Kriminalomsorga har også yrkesgrupper med annan bakgrunn enn fengselsskulen. Det er behov for fagpersonell som sosialkonsulentar, tilbakeføringskoordinatorar, helsearbeidarar, reinhaldsarbeidarar og kjøkenpersonell. Friomsorgskontora har også stor variasjon av kompetanse.