Program mot ruspåverka køyring

• elles ville ha vorte dømt til fengsel utan vilkår for å ha køyrt ruspåverka og
• har problem med alkohol eller andre rusmiddel, eller
• har eit mindre omfattande rusmiddelproblem, men eit problematisk forhold til bilkøyring og rusmiddel.

I staden for å sone i fengsel gjennomfører ein straffa ved ditt lokale friomsorgskontor.

Gjennomføringstida varer som oftast i 10 månader, og inneber:

• individuelle samtalar ca. kvar 14. dag. Innhaldet i samtalane skal tilpassast ditt behov.
• gruppesamlingar som utgjer totalt mellom 20 og 30 timar, og blir gjennomførte i eit tidsrom på to til tre månader.
• kartlegging av om du har eit behandlingsbehov og dermed rett til rusbehandling i spesialisthelsetenesta.

Målet er at du skal:

• forstå kva som aukar risikoen din for ruspåverka køyring.
• bli meir motivert til å ta andre val enn å køyre ruspåverka.
• finne måtar å hjelpe deg sjølv på for å unngå ny ruspåverka køyring.

Er «Program mot ruspåverka køyring» aktuelt for deg? Ta kontakt med advokaten din, politiet eller påtalemakta og be om å få gjennomført ei personundersøking. Den skal gje retten opplysningar for å kunne vurdere om du passar til å gjennomføre «Program mot ruspåverka køyring». Personundersøkinga blir gjort av friomsorgskontoret.

Brot på vilkåra eller ny kriminalitet kan føre til at denne straffereaksjonen blir gjort om til fengsel utan vilkår.