Person med mobiltelefon

Informasjonstelefon for pårørande

Tlf. 404 388 88

På telefonnummer 404 388 88 kan du ringje anonymt og få svar på generelle spørsmål du har om straff og straffegjennomføring. Telefonen er open på kvardagar kl. 09.00 –15.00.

Opningstider påska 25

Pårørandetelefonen er open som vanleg måndag 14.04 og tysdag 15.04. På onsdag 16.04 er ho open frå 09–12. I heilagdagane i påska er pårørandetelefonen stengd. Tenesta har vanlege opningstider igjen frå 22.04.

Kva er informasjonstelefonen?

Mange pårørande opplever ein krevjande situasjon og har ei rekkje spørsmål når ein familiemedlem blir varetektsfengsla, sonar ein fengselsdom eller gjennomfører straff i samfunnet.

Det kan også vere at du som skal inn i fengsel eller gjennomføre straff i samfunnet, har spørsmål om straffegjennomføringa.

Føremålet med informasjonstelefonen er å hjelpe på dette behovet for informasjon. Døme på spørsmål kan til dømes vere:

Kva inneber ein fengselsdom?
Kva slags straffegjennomføringsformer finst?
Kven kan sone med fotlenkje?
Kva for rettar har eg som pårørande?
Bør eg fortelje barnet at pappa eller mamma er i fengsel?
Kva er reglane for å sende brev til innsette?

Dei som jobbar ved pårørandetelefonen, kan også vere ein samtalepartnar med pårørande i ein vanskeleg situasjon.

Pårørandetelefonen skal ikkje svare på spørsmål knytte til einskilde innsette eller ha spesifikk kunnskap om einskilde fengsel. Ved særskilt behov, vil pårørande visast vidare til aktuelle einingar.